2014-9-5 17:32
Yoya_yoya
周永恒斥記者煽動老婆離婚
前歌手周永恒（Roy）涉打老婆趙頌茹（阿Yu）事件日日有新料。女方近日自曝老公打她及偷嗒Ruby，之後更有疑似情慾照流出。對於被封「宇宙賤男」，Roy接受電話訪問怒爆老婆受在周刊工作的教友煽動報警兼離婚。他認為兩夫婦可坐低傾，不用傳媒多事，強調自己無「第三者」，好想老婆返屋企。
[img]http://www.bastillepost.com/wp-content/uploads/2014/09/DC43540.jpg[/img]
對於老婆因家暴事件離家出走，Roy好無奈：「我哋係有嗌交，我亦唔係完全無錯，但唔需要搞到而家咁毀滅性。」父兼母職的Roy一再強調老婆情緒好唔穩定，唔知自己想點，所以被惡毒記者教友煽動。「兩公婆嘅事梗係我哋自己解決，有咩坐低傾，我哋從來無離婚打算，但個記者就慫恿我哋出嚟講離婚，又要我哋互爆。我成家人啲水都畀佢抽乾啦，寧教人打仔，莫教人分妻呀。」
[img]http://www.bastillepost.com/wp-content/uploads/2014/09/IMG_95511.jpg[/img]
問到今年六月阿Yu曾因被打而報警一事，Roy說出另一版本，「佢嘅情緒病一直未好，份人成日跳制，又緊張，試過自殺。嗰日唔知講起咩，佢突然拎起把生果刀喺我面前Fing Fing吓，我好驚所以報警，事後警察仲問我需唔需要社工幫手。」
問到跟Ruby關係，Roy秒回是「好Close嘅朋友。」又道老婆同Ruby一直好老友，經常三人行。提到阿Yu指他跟Ruby有路，「好多有錢仔追Ruby，有個仲係揸法拉利，我有咩？」
[img]http://www.bastillepost.com/wp-content/uploads/2014/09/6822d1bfjw1e76kiqp7glj218g18gn10.jpg[/img]
「罪人」Roy連環再爆有人心地唔好搞風搞雨，語畢傳了三段語音短訊給記者。內容是周刊向Roy表示已知二人決定離婚，為免他們成為笑柄「要做得好好睇睇」，更謂已幫二人想好如何收場，就是一齊接受訪問，達致雙贏，又揚言「基督徒交代分開都可以與別不同。」
提到郁手打人就唔啱，Roy再三強調8月24號晚自己只是推了老婆一吓就返入屋，入屋後才聽到阿Yu大叫，「之後老婆話要去外母度瞓，一離開就收到記者電話，5日後我老婆就報警拉我。」
家暴事件發展至今，Roy覺得好大壓力，「又要氹老婆，又要湊女，又要應付記者，好大壓力。」之後還忍唔住公開向阿Yu呼籲，「囡囡好掛住媽咪，想屋企回復番完整，有咩返屋企再慢慢傾。」